الشيخ محمد بن حمودة : كيف أصلي العيد في المنزل ؟

الشيخ محمد بن حمودة : كيف أصلي العيد في المنزل ؟

الشيخ محمد بن حمودة :
كيف أصلي العيد في المنزل ؟
و ماذا أفعل يوم العيد؟

 

 

بعد قرارات منع صلاة العيد في المساجد والساحات حابب نقوللكم حاجة مهمة

1- رد بالك تخلي الأحداث الجارية و القرارات تصيبك باليأس و الحزن و تنسيك إن الفرحة بالعيد عبادة انت تتقرب بها إلى الله تعالى و إنها تعظيم و إظهار لشعائر الإسلام .. قال النبي صلى الله عليه و اله و سلم عن الصائم: “و إذا أفطر فرح بفطره” لأنو هذا يوم المكافأة و يوم الجائزة و لازم نفرحوا بيه !

2- خليك حريص على إنك تكون مصدر بهجة و سبب فرحة لكل الناس وخاصة أولادك وأهل بيتك .. و لو ظروفك المادية تسمح باش تشتريلهم ملابس و لعب و حاجات حلوة كيف ما كل عام اشري و فرحهم و حسسهم بالعيد !

3- لو تنجم تشتري امبولات و زينة و تعلقها في الصالة في الليل بعد مايرقدو اولادك باش الصباح يلقاو مظاهر البهجة و الفرح مالية الدار .. حاجة مزيانة برشا حاول إنك تعملها !

4- قوم بكري نهار العيد الفجر و قوم العايلة الكل و ألبسوا أجمل حاجة عندكم و اتعطروا و اتزينوا و صلوا الفجر جماعة في وقتو

5- بعد ما تصلوا الفجر و تقولوا الأذكار افطروا كلكم على تمر كيف ماكان يعمل النبي صلى الله عليه و سلم في عيد الفطر و اذا ماعندكش تمر اي حاجة حلوة تفي بالغرض باش تثبت افطارك و تعلن انتهاء رمضان !

6- بعد صلاة الصبح اتجمعوا كلكم و اقعدوا كبَّروا تكبيرات العيد بصوت عالي لغاية الشمس ما تشرق و ترتفع شوية و يجيي وقت الصلاة . نصف ساعة بعد شروق الشمس. !

7- صلِّ بأهل بيتك و أولادك صلاة العيد ركعتين جماعة
ركعتين جهريتين، بغير أذان و لا إقامة، و يُكَبِّر في الركعة الأولى ست تكبيرات بعد تكبيرة الإحرام، و يكبر في الركعة الثانية خمساً بعد تكبيرة القيام، و كل تكبيرة سنة مؤكدة، و لا تبطل الصلاة بتركها، و المأموم يكبر تبعاً لإمامه.
و يسن للإمام أن يقرأ في الركعة الأولى بعد التكبير والفاتحة بسورة « الأعلى » او ماتيسر من القران
و في الثانية ، بسورة ،« الغاشية » او ما تيسر من القران

8- بعد التسليم من الصلاة لو حبيت تخطب فيهم خطبة العيد ما فماش مانع اقف و قوللهم أي تذكرة حتى لو حديث عن النبي صلى الله عليه و سلم تفهمهم معناه و الا كلمهم عن خلق من أخلاق الإسلام أو أي حاجة حافظها وتعرف تقولها بشكل مبسط -الأمر سهل- و اذا مش حابب تخطب عادي مافما حتى مشكلة -الأمر واسع و صلاة ركعتي العيد تكفي – !

9- بعد الخطبة حاول تحسسهم بقيمة اللي عملتوه و تعرفهم إنكم أقمتم الشعيرة و طبقتم السُّنة و عشتم فرحة العيد و الظروف مكانتش حائل بينكم و بين طاعة ربي و فرحة العيد .. و علمهم إن الدين يسر مش عسر و إننا وقت مانحتاج أي حاجة نطلبها من ربي سبحانة جل جلاله و عم نواله –

10- متنساش يا بطل تعطيهم المهبة كلهم و تبدأ بزوجتك و أمك و اخواتك البنات لو عايشين أو موجودين معاك في الدار و بعد فرح الأطفال .. و يا سلام لو تكون عامل حسابك من قبلها و جايب فلوس جديدة من البنك لأنها تفرحهم برشا!

11- اتجمعوا كلكم بعد على فطور الصباح و كل بلاد و ارطالها و عاداتها و تقاليدها و عرفهم إن الصيام يوم العيد حرام .. لأنه يوم عيد و فرحة و أكل و شرب ما يجيش نصومو فيه !

12- بعد الفطور اتجمعوا كلكم على لعبة حلوة و مفيدة أو اعملوا مسابقة و جوائز للفايزين و اقعدوا طيروا الامبولات و فرقعوها مع بعضكم واعملو ضحكة !

13- بعد ما تكملوا اللعبب جمعهم بحذاك و شدوا تليفوناتكم و اتصلوا باقاربكم و أصحابكم و زملائكم و عيّدوا عليهم مع بعضكم … و خليوه يوم بر و صلة رحم و إحسان صحبة و حسن عشرة لكل الناس اللي تعرفوهم عن طريق التليفونات !

باش نفرحو بالعيد واحنا في ديارنا 🤗 💙 🌸 🍬
ان شاء الله كل عام وانتم بالف خير
بارتاجي وخليها توصل لاكبر عدد من الناس ولك الاجر
الدال على الخير كفاعله

نبذة عن الكاتب

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *